Veprimtaritë

Programe dhe nisma që shoqërojnë shkollat e qendrat tona në rrugëtimin edukativ.

Pakti Edukativ Global

Që në vitin 2019 Papa ka bërë ftesën planetare për një Pakt Edukativ Global. Në tetor të atij viti nisi një proces botëror për të rindërtuar “fshatin edukativ” — një aleancë mes familjes, shkollës, institucioneve dhe shoqërisë për të vënë personin në qendër të çdo procesi formimi.

KKEKSH e përqafon këtë ftesë duke nxitur bashkëpunimin mes institucioneve anëtare rreth vlerave të përbashkëta edukative.

STEAM

Programi STEAM (Shkencë, Teknologji, Inxhinieri, Art dhe Matematikë) promovon një mësimdhënie ndërdisiplinore, ku kreativiteti dhe mendimi kritik ecin krah shkencës e teknologjisë.

Nëpërmjet tij, shkollat tona pajisin nxënësit me shprehi për botën e sotme, duke ruajtur gjithnjë dimensionin njerëzor e etik të formimit.

Safeguarding Policy

“Atëherë i sollën Jezusit ca fëmijë që t’i bekonte, por nxënësit i qortuan. Jezusi u tha: Lërini fëmijët të vijnë tek unë.”

Mbrojtja tërësore e fëmijëve dhe e të rinjve është përparësi për KKEKSH. Politika jonë e safeguarding-ut përcakton parime, procedura dhe angazhime konkrete për të garantuar ambiente të sigurta në çdo institucion të rrjetit.