Programi Formues DiSAL-KKEKSH 2024-2025!
KKEKSH
Në datat 16 dhe 25 Tetor u zhvillua Moduli 4 i Programit Formues për stafet didaktike të shkollave të rrjetit katolik i cili shënoi edhe përmbylljen me sukses të rrugëtimit formues me objektiv Promovimin e Shkollave Gjithëpërfshirëse. Moduli 4 kishte në fokus rolin themelor të drejtorëve dhe mësuesve në promovimin e një shkolle që kapërcen klasën për t’u bërë një nxitës i ndryshimeve shoqërore. Duke u nisur nga koncepti i përgjegjësisë arsimore, u analizua se si motivimi personal dhe profesional është çelësi për transformimin e një profesioni në një mision.
Prezantimet dhe diskutimet me pjesëmarrësit u përqendruan në protagonizmin dhe detyrën e secilit profesionist të shkollës që nuk ka të bëjë vetëm me ofrimin e njohurive, por edhe me edukimin e nxënësve rreth qytetarisë aktive dhe pjesëmarrjes. Në të vërtetë, shkollat kanë kapacitetin për të qenë agjentë të vërtetë të ndryshimit për komunitetin dhe shoqërinë. Ky program formues u realizua si bashkëpunim i frytshëm midis KKEKSH dhe DiSAL (Dirigenti Scuole Autonome e Libere) përmes projektit të financuar nga agjencia gjermane RENOVABIS për forcimin e kompetencave dhe qëndrueshmërisë së institucioneve të Edukimit Katolik në Shqipëri.
Disal – Associazione Dirigenti Scuole Autonome e Libere
